您当前的位置 :首页 > 汽车

〈娱乐乜乜乜〉一个讲嘢永远都咁唔啱听嘅人

来源:新闻网 作者:导演 2019-07-25 11:16:35
〈娱乐乜乜乜〉一个讲嘢永远都咁唔啱听嘅人 〈娱乐乜乜乜〉一个讲嘢永远都咁唔啱听嘅人 〈娱乐乜乜乜〉一个讲嘢永远都咁唔啱听嘅人 2019年7月11日 12:30 【Now.com娱乐】有啲艺人好锺意表达意见,咩都加把口,咁刷存在感都好正常,享受被关注都係艺人嘅动力之一。不过有人愈讲愈受人尊敬,但相反亦有人愈讲愈被人耻笑。所以存在感强都睇你係用一个乜嘢形象存在,好似庄思敏呢啲就係极强烈无知嘅存在。 好神奇,佢真係永远讲嘢都咁唔啱听,从撑皮草到伞运累佢股票蚀钱,加埋多年来无数DIY新闻。真心,如果政坛有何君尧,咁娱乐圈就有庄思敏,佢哋係非常类似嘅存在。 呢排庄小姐又话叫啲人唔好咁激进,个key message本来okay呀,正正係中间温和派嘅愿望:争取还争取,唔好激进。但佢跟住讲嗰几句真係惊天地泣鬼神,佢话游行好影响民生(呢句都fair),而家游行变成一个习惯(咦!),好似每个星期都要搵个地方冲击吓(咦!!),先可以过到个礼拜日(咦!!!)。 如果要用四个字总结佢呢番说话,就係「搵嘢嚟做」。我觉得唔同人有唔同立场,拿督个女有咁嘅谂法无可厚非,但当佢走出嚟讲嘅时候,都可以留意吓自己批评嘅对象有几多,佢又有几多理据去用一竹篙打几百万人? 即是有丁点common sense都知道,好人好者点会想weekend出嚟日晒雨淋去游行?去玩唔好?休息吓唔好?二百万人逼车係咪好好玩?仲要係佢口中嘅「成为习惯」,究竟有几被虐先做到。 同埋唔係因为想行所以行,而係争取嘅嘢得唔到回应所以行,正如人哋唔係因为憎你先觉得你讲嘢难听,而係你讲嘢难听所以先憎你。咁简单嘅因果关係都理解唔到,讲嘢又点可能啱听?呢个又係另一个因果啦。 〈娱乐乜乜乜〉逢星期一至五刊登将每日的娱乐热话,以全新角度为大家点评,大胆假设,细心求笑,希望满足到去到边度都好锺意睇娱乐新闻的你。
(责编:导演)

本文由http://www.sodragonball.com/qiche/56.html原创,转载请备注出处谢谢配合!

下一篇:【现市况】恒指挫450点造28315 成交580亿元上一篇:《玫瑰玫瑰我爱你》原唱姚莉辞世 享寿96岁